كلية علوم الملاحة وتكنولوجيا الفضاء

- نظام الكليه ساعات معتمده والدراسه باللغه الانجليزيه، بندرس مواد لها علاقه بالرياضه والميكانيكا والبرمجه والفضاء والفيزياء والالكترونيات والاقمار الصناعيه

- اقسام الكليه: ملاحه فضائيه، علوم فضاء، اتصالات فضاء بس حاليا تم دمج ال٣ اقسام ف قسم علوم الملاحه الفضائيه بلائحه واحده تضم الاقسام كلها وبتم عمل مشروع تخرج من الترم الخامس بيتخصص كل طالب ف احد الأقسام المذكوره طبقا لطبيعه عمله ف المشروع وف النهايه بيمنح الطالب درجه بكالوريوس

- الكليه بتقبل طلاب علمي علوم وعلمي رياضه واستقبلت الكليه اول دفعه عام ٢٠١٨ السنه اللي فاتت يعني، بمجموع ٩٥.٨ علوم و ٩٢.٢ رياضه ، بس بالرغم من كده فيه ناس كتير اوي معديين ٩٧ و ٩٨ رياضه وعلوم ومعانا ف الكليه

- مجالات العمل: الكليه زي معظم كليات مصر مالهاش تكليف، بس الكليه بتساعد الطلبه انها تستعد لمجال العمل واريدي بناخد كورسات حاليا ف وزراه الإنتاج الحربي وجمعيه الرواد التكنولوجية NTL

الطالب بعد التخرج هايبقي مؤهل للعمل ف اماكن كتير من أهمها وكاله الفضاء المصريه اللي بيتم انشاءها حاليا ووكاله الفضاء الافريقيه اللي هاتكون ف مصر، بالاضافه ل اي هيئه أو مركز بحثي متعلق بمجالات الفضاء والاتصالات والاقمار الصناعيه والملاحه الفضائيه ومنها :
١- هيئه الاستشعار عن بعد وعلوم الفضاء
٢- برنامج الفضاء المصري بالجيش
٣- الجامعات ومراكز البحث العلمي
٤- وزاره الإنتاج الحربي
٥- وزراه الدفاع
٦- المطارات المدنيه والعسكريه
٧- الملاحه البحريه والجويه
٨- هيئه الطيران المدني
٩- المحطات الارضيه للاقمار الصناعيه
١٠- جميع شركات البترول
١١- وزارات: الاتصال، البترول، الكهرباء، الطاقه

الكليه اريدي بدأت ف إنجازات زي القمر الاسلامي وتحديد هلاال رمضان والعيد وده حصل السنه دي ف الكليه

الكليه عامله بروتوكولات كتير جدا مع هيئات كتير زي وزراه الإنتاج والاكاديميه العربيه ب اسكندريه وهيئات البحث العلمي

ده غير طبعا فرصه التعيين ف الكليه وف كليات أخري من نفس النوع اذا فتحت ف جامعات تانيه

وغير فرص العمل برا مصر

الصفحات

wis2ya

كلية علوم الملاحة وتكنولوجيا الفضاء

جديد قسم :

Post a Comment

wis2ya

كلية علوم الملاحة وتكنولوجيا الفضاء

جديد قسم :

Comments: 0

Post a Comment